إرشادات مقترحات البحث معلومات خط الزمن الفهارس الخرائط الصور الوثائق الأقسام

مقاتل من الصحراء

         



(تابع) خطاب الرئيس جمال عبدالناصر في أحد المعسكرات

المعارك علشان نأخذ دروس من اللي حصل قبل كده، ونستفيد من أخطائنا، يمكن إحنا كانت أخطائنا أكبر من أن يكون العدو غير عادي. إحنا أخطائنا لم نقدر الموقف التقدير السليم، وعلينا أن لا يركبنا الغرور وإن إحنا نعترف بأخطائنا ونعرف إن إحنا مش بنقابل عدو غير عادي، لا إحنا بنقابل عدو خبيث وعدو مكار وعدو لئيم ولا شيء غير عادي في العسكري أو في القوات المسلحة. أنا برضه قرأت كلام غير الكلام بتاع ليدل هارت، مقالة يمكن مكتوبة بواسطة واحد أمريكاني اسمه جنرال مارك، في كلامه بيقول إنهم الإسرائيليين عملوا ايه؟ طبقوا مبادئ حرب المفاجأة، بعد كده خفة الحركة، بعد كده المرونة، وبعدين الحشد، وقال انهم استطاعوا بتطبيق الأربع مبادئ دي انهم يكسبوا حرب الأيام الستة.

          طبعاً مبادئ الحرب إحنا بنتعلمها في أول ما بندخل الكلية الحربية، ولكن يجب أن نتعلم إزاي نطبق مبادئ الحرب.

          وانتم كقوات مسلحة عليكم واجب كبير في هذه الأيام وحتى يحين وقت المعركة، وإن إحنا منضيعش وقت وإن إحنا نعرف كل شئ ونستوعب كل شئ. وإن الشعب لم يبخل ولن يبخل على قواته المسلحة إنه يعطي المال علشان نحقق لكم كل طلباتكم، والشعب لن يفقد ثقته في قواته المسلحة لأنه حينما طالب بالصمود وحينما رفض الاستسلام كان يعلم أن أداته في الصمود هي أبناؤه رجال القوات المسلحة وأن أداته في رد العدوان حينما يتكلم كل فرد من أبناء الأمة العربية عن رد العدوان، يعلم أن أداته في رد العدوان هي أبناؤه في القوات المسلحة والقوات المسلحة تمثل في الحقيقة كل قوى الشعب العاملة لأنها تمثل أبناء كل قوى الشعب العاملة.

          علينا إن إحنا نبذل كل الجهود لكل طاقاتنا بكل وسائلنا، حتى تستطيع أن تكون القوات المسلحة القادرة على تصفية العدوان وإحنا والحمد لله النهاردة نستطيع أن نقول إن عندنا القوات المسلحة القادرة على صد العدوان، ولكن مش ده الهدف، هدف الشعب، الشعب عايز تصفية آثار العدوان ويحمل قواته المسلحة هذه الأمانة، وهي أمانة صعبة، أمانة عايزة منكم كل واحد بيهب روحه فداء بلده، كل واحد كجندي أو كضابط بيطلع في المعركة بيحسب إنه 90% يمكن يموت و10% يمكن بيرجع، دي الحقيقة بالنسبة لكل واحد في القوات المسلحة، سواء كان ضابط أو كان جندي. معروف إن إحنا كقوات مسلحة سنواجه العدو وجهاً لوجه، ومعروف إن إحنا كقوات مسلحة فيه ناس مننا حاتموت وفيه ناس مننا حاتتجرح، وفيه ناس مننا ستفقد في القتال. ولكن لازم يكون معروف في نفس كل واحد من أفراد القوات المسلحة وكل واحد من أبناء القوات المسلحة إن هناك شئ يجب أن يتحقق وهذا الشيء بنطلع وبنموت عشانه أو بننجرح عشانه أو نشوه عشانه أو نفقد عشانه، هذا الشيء هو تصفية العدوان تصفية كاملة.

          الأمة العربية كلها الآن تحاول بكل وسيلة من الوسائل أن تتكتل وتتفق سياسياً وأيضاً عسكرياً وأيضاً اقتصادياً. بذلت جهود كبيرة وسوف نبذل جهود أكبر ونحن نحاول بكل طاقاتنا تجميع طاقات الأمة العربية،

<7>